صفحه بيضا

كلمات : ضيا طحاوي

هات الحكاوي كلها
واللي فضل م الذكريات
بصفحة بيضا وحطاها
ااقرأ كلامك من سكات
إفتح عيونك للفضا
إطلب حياه ليك من جديد
وإقفل الصفحه وغني
بكره أمل آيامنا عيد
بعد ما شيلنا الذكريات
وحكاوي م العمر اللي فات
شوف صفحه بيضا منوره
تملا الحياه فرحه وتمني
إرسم خطوط بكره بمشيئه
سمع الدنيا وغني
إعزف الألحان بإيدك
مش مهم اللحن يعجب
الأهم إنك تغني
يعلي صوتك للسما
إمسك ورودك شمها
ابني قصورك بالهنا
لوحة حياتك بين إيديك
كده تنطق الألوان
بنبضك ع الأمل
كده صفحة بيضا
متسطره بالفل ينطق
متشاله دايما بين عنيك